Familieturar

GJENNOMFØRING:

Etter omkledning på raftingsenteret transporterer vi gruppa med buss til elva. Her blir det tryggleiksinstruksjon før ein deler inn i grupper. Kvar raft vil bli leia av ein erfaren instruktør og guidar i kajakk padlar saman med dei i 2-manns raftane. Etter litt trening set ein kursen nedover elva. Guidane vil gjere sitt beste for å underhalde deg på vegen og kjem heilt sikkert til å prøve å få deg til å ramle uti... Duckie’ane blir leia ned tryggaste ruta i elva, og skulle ein ramle uti, får ein hjelp til å kome seg tilbake i båten.

Turen endar opp på Evanger, der sjåførane står klar med forfriskingar og hjelp til å få båtane på land igjen.

Etter ca 1,5 time på elva, returnerer vi til raftingsenteret for varme dusjar og tørre kle. Etterpå viser vi bilde frå turen i restauranten, der du også kan kjøpe deg noko å ete eller drikke. Grupper bør førehandstinge mat. Den perfekte avslutninga på  turen er sjølvsagt ein tur i boblebadet medan kokken førebur lunsjen dykkar!

VOSSO

Vosso renn mellom Bulken og Evanger, langs E16 mot Bergen. Her raftar vi mellom Geitle og Evanger, ca 7 km med morosame og sikre elvestryk. Vi startar på flatt vatn og flyt sidan nedover med straumen, passerer mindre stryk og straumvirvlar.